節目重溫
星期三港案

良心發現,認真製作,

緊貼時事,淺入深出。

毛記電視新聞部出品,每集5至10分鐘不等,

毛記主播聲音導航,超微型新聞紀錄片。

好多女仔,都視減肥為終身事業,但你有冇諗過,減肥係會減到上癮,仲有機會會減到患上厭食症,即使望住心愛嘅嘢食,都幾乎冇晒動力放入口,到時候你...仲會唔會開心呀?

呢5年嚟,琪琪每日一起身做嘅第一件事就係上磅,無論幾餓都好,都要呃自己話好飽,體重愈輕,佢就愈開心。最後,佢發現自己瘦到得返棚骨,當佢問自己為咩咁辛苦嘅時候,佢竟然答唔到自己。

而家嘅佢,只係希望可以有勇氣食到以前鍾意嘅嘢食,有勇氣面對可以見證住佢體重升返到正常嘅磅....
呢個對屋企整齊咁講究嘅就係阿橙,佢兩年前執完自己屋企都唔夠喉,仲要飛埋去英國同美國度考咗個家居整理師嘅專業資格,為求用最專業執屋技巧,為每一個混亂嘅屋企撥亂反正,締造一個五星級的家!
香港而家熱死辣辣仲有風㗎咩? 係啊,呃你做咩啫?呢度係香港仔避風塘,呢個咁風騷嘅就係萍姐!佢由BB仔開始就喺呢啲舢舨度大,同媽咪吹住海風,撐下船,一撐就撐咗60幾年……
生命即使短暫,也應受到尊重。
希望一一同其他小天使喺天堂可以繼續開心快樂咁成長。
彭志銘,人人叫佢社長,因為佢就係「次文化堂」嘅創辦人之一。「次文化堂」係香港少有、專門出版以香港文化同時事評論書籍為主嘅出版社。

本來次文化堂賣呢啲次文化書都有market㗎,但近呢幾年,佢哋出嘅書愈嚟愈難喺主流嘅書店搵到。呢啲主流書店就係梗有一間喺左近嘅三聯、中華同商務。

最近有傳媒踢爆,原來「三中商」背後嘅大老闆就係中聯辦。即係話,你以為行主流書店書店買書係有得揀?
他是自由的人,不是權貴的狗。
他站於此,是要討回屬於他的權利。
他是平凡公民,
他無所奢求,但誓不屈服! - 摘至電影《我,不低頭》
在香港,我們慶幸還有他-長洲覆核王 郭卓堅
元朗陳坤記嘅華哥成日話,以前用佢啲種子種出嚟嘅菜,同依家啲菜係唔同味嘅,係因為差緊一種樸實、簡單嘅人情味。

好多嘢,無咗,就係無咗㗎喇。

不過仲有一樣嘢,係華哥一直堅持住嘅,就係佢呢粒種子...
羅太喺20年前開始接觸寄養小朋友,仲做埋寄養家長。
到而家,前前後後照顧過成10個細路!
雖然能夠相處嘅時間好短暫,不過羅太都覺得當佢哋係親生骨肉咁錫!
因為佢知道同寄養小朋友之間嘅回憶同承諾都係一生㗎 !
17億即係有幾多?
大約買到4千250萬杯珍珠奶茶
或者可以喺元朗明渠上面起到一條冇乜人會真正用到,
仲要斬埋附近37棵樹嘅行人天橋... (汀九橋跨埋海都係17億咋!)

喺元朗大嘅K sir,見到政府又亂咁洗錢,仲要破壞元朗呢條咁正條通風廊,就決定整啲喊緊嘅晴天娃娃,引多啲人關注。希望今個星期五立法會唔好批呢筆錢之餘,都想大家救附近呢啲樹!
Tracy同Grace喺17年前,由台灣嫁到嚟香港... 兩個人冇人冇物,但又想喺香港做番啲嘢,於是就決定一齊喺西環屋企附近開間台式早餐店賣下三文治同便當喇。

請坐請坐,個個去過食飯嘅都話會坐到唔願走!
不過坐坐下,依家間舖無咗喇....

雖然有人想趕走佢哋,但Tracy同Grace話,佢哋唔會走!仲係會一直用心做、用力做、繼續整啲好味到客人食到唔捨得走嘅便當!

因為呢間舖就係佢哋嘅根,紮喺香港嘅根!
毛記電視網站 · 版權所有 · 不得轉載 Copyright © TVMOST.COM.HK All rights reserved